ديـــــوان الـــشـــعــر بسم الله الرحمن الرحيم هذه القصيدة للشاعر / نايف مقبول العمراني مرثية في الشيخ / خضر بن عيد بن ذياب العمراني رحمه الله          يـالله يـاللي كـل الأقـــدار بيـــده          يا واحدٍ ما فيــه غيــرك قصـــدنـــاه          ترحـم فقيـدٍ بين ربعـه فقيـــــده          فقيــده بيــن الجمــاعــه فقــــدنــــاه          شيـخٍ ولـد شيـخ أفعوله مجيــده          أقفـى وذكـره بيــن الأجـــواد خـــلاه          حلـوٍ نبـاه ولا يعــرف الحقيــده          وشفــه علــى كفــه إليــار راد سواه          لـه مـزايــا في حياتــه عـديـــده          القلــب الأبيـض ميـزةٍ من مــزايــاه          ياتي بوجه ولا يعرف المكيــــده          كـريـــم تعطــــي بــالخفـا دوم يمنـاه          أنشهـد إنه راس قوم او وليـــده          حــرٍ ولـــد حـــر ويعجبـــك ممشـاه          إخطاه عن درب الفشايل بعيــده          والطيــب عــادتــه وطبعــه ومبــداه          لــو اللــذي راح نقــدر نعيــــده          جبنـاه لــو بالسيـف والمــال جبنــاه          جعلـه بقبــره فـي حيـاةٍ سعيــده          والجنــه هــي داره وبيتــه ومثــواه          مرحوم يبو ذيـاب رحمه وكيــده          ويالله عسى ربـي عن النار يــرفـاه                                                                                                          بعض قصائد الشاعر / نايف بن مقبول الحميدات العمراني هذه القصيدة إلقيت أمام صاحب السمو الملكي الأمير فهد بن سلطان بن عبدالعزيز أمير منطقة تبوك في أثناء زيارته للشيخ محمد بن مقبول ذياب العمراني شيخ قبيلة العمران في محافظة حقل بتاريخ 14/4/1429هـ          يا مرحبا وأهلــين وأهلين وأهلين           بالــــــزاير اللي لا بـــغانا لفانا          يا مرحباً عـــدة صـلاة المصـــلين           وإعداد ما لاح الغرد في سمانا          ترحب بك العمـــران يا قرة الــعين           يا دامـــــحٍ العثرات يا ملتجانا          الكل في وصلة سمـــــوك مهليـــن           وإكرامنا للضــــيف هو مبتدانا          في بيت أبن مقبول منـــتم غريبين          ولــك طلةً مـثل البــدر يوم بانا          لك راية بيضاء ترفـــرف لهالحين           تـرف بســمك من قـديم الزمانا          الله يقـــويكم عـلـى الـــعز والـديـن          وينصـركم الله دايـم على عدانا          يا أبو اليتاما والضعوف المساكين           الله يبـــيض فــــي لقاكم إلحانا          وآخر كلامي نطلــــب الرب راجين           إنــــه يســــكنا فسيح الجنانــا   كما ألقى الشاعر الشيخ / حمود بن سويلم الطبير العمراني القصيدة التالية بهذه المناسبة الكريمه          يـومٍ علمنـا زيارتك كلنا ســـــــرور           والشوق لك شوق البلاد لمطرها          لولاك ما صارت لنا أقواس وجسور           ولولاك ما زانت شواطي بحرها          ولولاك ما صارت نوافير وقــــصور           ولا نسقوا ريحانها مــــع زهرها          بفضلك حقل أصبحت سوق مـشهور        وصارت مصيف وسرت اللي حضرها          مليكنا في قلوبنا حرف محفـــــــــور           هو عزنا لنه تطايــر شــــــررهــا          وسلطان وجه الخير بالجود مشهـور           كلن يحـــــــبه بدوها مع حضرهـا          والمعذره يا أمير لو جيت بقـــــصور           أفضالكم ما تنحـــصي من كثرهـا   هذه من قصائد الشاعر / نايف بن مقبول الحميدات العمراني نفسي تقديني          نفسي تقديني علـى العـــز والطيـــب           ولا تندفع نفسي على الذل ساعــه          من كثر ما شفنا صبغ روسنا الشيـب           والهرج عند الناس أصبح بضاعـه          الضبع ما عمره جلس مجلس الذيــب           والذيب سامه للحصيني وبــاعــــه          كثيـر نــاسٍ تــاخــذ العلــم وتجيـــب           والنذل بين الناس هاذي طبــاعــــه          وسط المجالس ياخذ العلم ويغيــــــب           ويبهت ظهور الناس عند الجمـاعه          يالله عسـى دايــم حيــاتــه تعــاذيـب           واللي مثـل شـرواه فقـر و مجاعـه          ونبغى ندس اللي مضى بالــدواليــب           واللي مضـى مـا ينـذكر بالإذاعــــه          بضيفنــا نفـــرح وحنـــا معـــازيــب           مـاهــي بعـادتنـا لهــم بـالـدشاعـــه          ضيفـي أقـدم لـه جميــع المــواجيــب           والله يحـب أهــل الكــرم والقنـاعـه          دنيـاك فيهـا طيـب وأيضـاً عـذاريــب           دربيـن تمشيهن يا فتى بإستطاعـه          أمـا ردى وتخـّرب الطيـب تخـريــــب           وإلا دروب أهـل الكرم والشجاعـه   يكفيك يا فنجال          أسألك يا فنجال منهـــو مســــويـــك          هو كيــف يــا فنجــال روح وسابـــك          هـو ليـش جنب النار دايــم مخليـــك          أكيــد يــــا فنجــال محـــدٍ درابـــــــك          أبــوك هــذا مـا بـه اليــوم تشكيـــك          هــو الـذي يـا جاهــل الكيـف جابــك          لـو تجهلــه أســأل النــاس تنبيـــــك          مـا تعـرفـه لــن المرنـده شــرابــــك          لا تحسب أني جـاهـل اللي مسويـــك          معـروف بـس أبطى عليّ غيــابــــك          خابرك أنا في ثرف هذي محـاريـــك          يـومـه عـن الّلجـات عنــا ســرابـــك          دايم على روس المشاريف يعـديــك          وأول حسابٍ يحسبــه هــو حسابـــك          يكفيك يـا فنجــال هـــو معتني فيــك          ما سلمــك رجــلٍ غشيــم وعثابـــــك          لا جـاك قــل نــايــف يصـف ويجيك          وهـو خـابـر الديـره وخـابــر هضابك          يبغــى يـذوق اللي تسـويــه بيــديـك          خطـه علـى خطـك علـى طـول شابـك          الله من الخيـرات والـرزق يعطيـــك          ورزقـك مـن الله يصلـك عنـد بـابـــك   الرجوع للرئيسية